Булат Бәйрәмов белән Ләйсән Гыймаева тамашачыларын кызыклы видеолар белән сөендерүен дәвам итә. Чираттагы кадрлар гаиләнең ял иткән җиреннән Берләшкән Гарәп Әмирлекләреннән килеп ирешкән. 

Җылы яктан кире салкын, карлы кышка кайтасылары килмәгән артистлар бу хакта видео төшергән. «Кайту шулайрак булды», – ди алар.

Видеода Булат Ләйсәнне комнан сөйрәп бара. Ә тегесе комны тырмап «юк, кайтмыйм» дип карыша. Узып баручы егет Булатка Ләйсәннең чәченнән өстерәргә куша, «шулай эшләгәндә җайлырак та, һәм ком да тулмый» ди.