Шушы көннәрдә Тайландта ял итүче Татарстанның атказанган артисты Илсөя Бәдретдинова социаль челтәрдә кызыклы сорауга җавап биргән. Җырчы ни өчен улы Нариманны үзе белән ял итәргә алмавын аңлаткан. «Минем улыма инде почти 20 яшь, ул – зур ир-ат. Барыгызга да җавап итеп әйтәм – ул аның хәтле акча эшләмәде әле. Таиландка барып ял итәрлек акча эшләмәде әле Нариман. Менә, эшләгәч барыр, Аллаһы теләсә. Бәлки әнисе кебек 42 яшькә кадәр дә калмас, иртәрәк барыр, иншаллаһ», – дип җавап биргән Илсөя Бәдретдинова.