«Татаркино» җитәкчесе, журналист, продюсер, профессор Миләүшә Айтуганова социаль челтәрләрдә башына «СССР» дип язылган кызыл яулык бәйләп төшкән фотосы белән уртаклаша. Үзенең уй-фикерләре белән бүлешеп, болай дип яза Миләүшә Ләбиб кызы:

«Соңгы арада СССР турында күп сүзләр йөри. Мин – СССР баласы. «Типичный»! Октябренок, пионер, комсомол, макулатура һәм металлолом җыйган, коммунизмга ышанган бала. Брежнев үлгәч, ихластан еладым…

Ничә чор күргән балалар без… Ләкин мондый куркыныч хәлләр булганын хәтерләмим. Бүгенге көндә ниндидер бушлык… Сездә дә шулаймы? Бүген барган вакыйгаларның чынлыкта икәненә кайчак ышанып та булмый, иң аянычы – балаларның киләчәге шомлы» – дигән ул.

Фото: Миләүшә Айтуганованың шәхси аккаунтыннан