Танылган алып баручы Гөлназ Сәфәрова кызыклы уй-фикерләре белән бүлешә. Баксаң, ул колагына пирсинг ясатмакчы булып йөри икән. Ләкин әнисе каршы, күрәсең.

«Һәр яз саен мин үзгәрешләр телим. Моңа кадәр үземдә булмаган яңа әйберләр ясыйсым килә. Бер колагымда 3 алка бар инде. Хәзер колак эченә пирсинг тагарга җыенам.

Әни: «Акыл керми», – дип сүгә, ә мин язылып куйдым инде. Әни сүзен тыңлап, беренче курста борынымны да тиштерми калдым. Тыңлап дип инде, аның бер: «Борының болай да зур», – дигән бер җөмләсе җитте», – дип яза Сәфәрова.