Ризван Хәкимов иҗат иткән “Исмә әле җил” җырына кавер яздырган һәм моны социаль челтәрдә урнаштырган Гөлназ Асаевага Ризван Хәкимовның кызы Альбина дәгъва белдергән. Ул җырчы авторлык хокукларын боза дип саный. Юристлар ярдәмендә судка бирәчәге хакында да белдерә.

Гөлназ Асаева моңа җавап итеп: “Кавер вариантны җырлау да тыеламы? Әгәр чараларда җырласам, мин авторлык хокукларын бозар идем. Законнарны белергә кирәк”, — дигән.

Инстаграм аша дәгъвалашып ике артист бәхәсенең нәрсә белән тәмамланачагы әлегә билгеле түгел.