Күп кенә җырчылар инстаграмнарында төрле тәм-том рецептлары белән бүлешергә ярата. Алсу Фазлыева да шулай. Шушы көннәрдә ул бик гади һәм тәмле десерт рецептын тәкъдим итте.
Әлеге рецепт дөрес тукланучы, ябыгучы кешеләр өчен аеруча файдалы булыр. Ризыкны пешерү вакыты исә – нибары 30 минут.
Кирәк булачак:
алмалар;
кара җимеш;
әстерхан чикләвеге.
Алманың эчен алырга. Чикләвек белән җимешне алмага тутырырга. Кечкенә алмаларны 15-20 минутка алдан ук җылытылган духовкага куярга. Зур алмаларны бераз күбрәк тотарга кирәк булачак – 30 минут дигәндә пешеп чыга.