Ришат Төхвәтуллинның хатыны Алия Карачурина социаль челтәрдәге сәхифәсендә тамашачыларының сорауларына җавап биргән. Ул «Гастрольләргә йөрмәгәч, нәрсә белән булса да шөгыльләнергә уйлыйсызмы?» дигән сорауга да җавап биргән.

– Нормаль кешеләр кебек үз өемдә яшәячәкмен, ә кунакханәләрдә түгел. Әмма аның да күңелле, рәхәт яклары бар инде. Ремонттан соң фатирны җиһазландырачакмын, сезнең белән тәкъдимнәрне уртаклашырмын, социаль челтәрдәге сәхифәмне алып барырга һәм сезнең белән аралашырга күбрәк вакытым булачак, – ди бу сорауга җавап итеп Алия.

Фото: социаль челтәрләр