Август-сентябрь — яңа телевизион сезон башлану чоры. Халык ялдан кайта, авыллардан җыела, бакчадан керә һәм телевизорларын ешрак кабыза башлыйлар. Телеканаллар исә моңа әзер тора. Әйтик, яңа сезоннан ТНВ каналының сеткасы да зур үзгәрешләр кичерәчәк. 

Яңа тапшыруларның берсен танылып килүче җырчы Айсылу Габдинова алып барачак. «Кайнар хит» дигән программа татар шоу-бизнесына багышланачак.

Моңарчы Айсылу балалар тапшыруларын алып барып, берникадәр чыныгу узган иде инде.

«Алабута утап үскән» кызга иҗатында уңышлар телибез!