ТНВ телеканалында «Таяну ноктасы» тапшыруын алып баручы Венера Иванова (Аитова) узган елның 19 сентябрендә тәүге тапкыр әни булган иде. Бәхетле әти-әнинең уллары туды. Сабыйга Гомәр дип исем куштылар.
Шушы көннәрдә Венера гаиләсе белән төшкән фото һәм видеоны инстаграмда урнаштырды.
«Бәхетле булыр өчен үз җәннәтеңдә яшәргә кирәк. Бер үк җәннәт барлык кешене дә канәгатьләндерә дип уйлаган идегезмени?» — дип язучы Марк Твенның гыйбарәсен искә ала ул.
«Һәркемнең үз җәннәте. Килешми мөмкин түгел, шулай бит? Һәркемгә аны табарга… дөресрәге булдырырга язсын», — ди Венера.
