«Башваткыч» тапшыруын алып баручы Зөлфәт Зиннуров үзенең инстаграмында Биектау районы Күлле авылында йортларны урман эчендә салу өчен җир бүлеп бирүләре турында хәбәр итә. Бу урманда эте белән йөрергә яратучы артист йорт нигезе салынган урынны видеога төшергән.
«Безнең илдә генә шулай була аладыр инде ул. Башта авылыбызда (авыл халкы күпме генә каршы килсә дә) күлгә терәп үк күпфатирлы 3 катлы йорт салдылар, хәзер урман эчендә җир бүлеп бирә башладылар», — ди Зөлфәт Зиннуров. Агачлар үсеп утырган урынга йортлар төзелергә тиеш тә түгел иде, ди ул һәм «Страна дураков!» — дип үзенең канәгатьсезлеген белдерә.