Элвин Грейның туенда кияү чәчәге тоткан Ришат Төхвәтуллин тамашачыларын өйләнәм дип ышандырды. Бу хакта ул сторисларында яза.

«Туйларны гөрләтеп уздырып җибәрдек. Хәзер инде синең туең кайчан дип сорыйлар. Озак көтәсе түгел, дуслар. Ул яклап та калышмабыз. Исн-сау булыйк», — дигән ул. Сторисларында Ришат текст белән туеның 2022 елда булачагы турында язып куйган. «Вәгъдә бирәм», — ди җырчы.