25 февраль көнне популяр җырчы Лилия Муллагалиева дүртенче тапкыр әни булды. Авырлыгы 3680 грамм, буе 54 сантиметр булган баһадир малайлары туды. Аңа Илһам дип бик матур исем куштылар. Шушы кыска вакыт эчендә Лилия инде диетага утырырга да өлгергән.
«Менә шулай җәмәгать , 9 ай үтеп китте. Рәхәтләнеп ашадык, инде артык килолардан әкренләп котылырга кирәк. Шактый гына эшләргә туры киләчәк. Бүген 4 март, минем авырлыгым — 96кг. Бәби табу йортына 105 кг булып кердем. Бик зур саннар. Да, ашап та торгансың, Лилия, диярсез. Әйе, яшермим, ләкин миндә ихтыяр көче ныклы, шуңа сезнең куз алдында үзгәрергә сүз бирәм. Аллага тапшырдык!» дип яза җырчы.