Тормыш юлы белән күпләргә гыйбрәт булган яшь шагыйрә Лилия Сәләхетдинова соңгы арада җырлар да яза. Кичә аның өр-яңа музыкаль әсәре дөнья күрде. «Өмет яна көткән күзләрдә» дип аталган җырның көе авторы — Ринас Әхмәтов. Башкара — Лиллия Фәхразиева.
«Шәхсән минем өчен бу күптән көтеп алынган җыр, — ди Лилия, — Ринас, дустым! Чираттагы җырыбыз дөньяга чыгуы өчен бик зур рәхмәт сиңа! Лилия! Бу безнең тәүге җыр әмма соңгысы булмас дип ышанасы килә. Тавышың гел шундый киң булсын, тамашачыларың күбәйсен, рәхмәт сиңа!»
Җырны ишеткән кешеләр бары тик уңай фикердә. «Лилиякәй, мең рәхмәт шундый матур җырыңа, йоклап китеп булмый, күзләрдән әле дә яшьләр тама», — дип язып калдырган Рузилә Кашапова Лилия Сәләхетдинованың интернеттагы битендә.
Җырны моннан тыңларга була.
Лилия Фәхразиева