Буа районында яшәп иҗат итүче Татарстанның халык артисты Фирзәр Мортазин хуҗалыкларындагы кәҗә бәтиенә «Зөлфирә» дип исем кушкан. Бу очраклы түгел икән.
Кәҗә бәтие тотып төшкән фото һәм видео белән җырчы Зөлфирә Шәйдуллина уртаклаша. Баксаң, кәҗә бәтие нәкъ менә 9 февраль — Зөлфирәнең туган көнендә туган икән. Шуңа да Фирзәр абый белән Наилә апа концерттан авылга кайтуга шушы җырчы хөрмәтенә исем кушканнар.
Артист адашын «үземә охшаган, җимеш» ди.
«Кәҗәләнә торган Зөлфирә булгач, зөлфирәләнә торган кәҗә дә булырга тиештер», — ди видеога төшерүче ире Алмаз Мирзаянов.
Посмотреть эту публикацию в Instagram