Башкортстанның Алтынай Вәлитов исемле җырчысы Фирдүс Тямаевка «вызов» ясаган. Ул инстаграмга концерттан видео куйган: анда артист сәхнәдән тамашачылар өстенә сикереп төшә, аны залдагы кешеләр тотып алып күтәрә. «Тямайга вызов! Булдырасызмы?» — дип яза ул видео астына.
«Мин Башкортстанның „бешеный“ артисты буларак, Татарстанның „самый бешеный“ артистына „вызов“ ташлыйсым килә. Шулай итеп сәхнәдән сикереп карагыз, Фирдүс агай», — дип өстәгән Алтынай Фирдүс Тямаевны да шулай эшләп карарга өндәп.
Әлеге постны 30 меңләп кеше караган. Йөзләгән комментарий язганнар. Тик Фирдүс Тямаев әлегә бу постка берни дә дип җавап бирмәгән.
Посмотреть эту публикацию в Instagram