Җырчы Иркәнең ире Артур Шабакаев та мобилизация буенча чакыртылган, дип язган идек. Кызыксынучы тамашачыларының сорауларына җавап биреп, Иркә иренең ни хәлдә булуы турында сөйләде. Бу хакта ул социаль челтәрләрдә яза.
«Ничек Артур?» – дип күп сораулар килә… Әлегә ул Казанда булды, берничә көннән китәчәк…
Без аның белән һәр сәгать саен сөйләшеп торабыз. Ул һәрвакыт елмаеп, барысы да яхшы, ди… «Начар уйлар башыңа кертә күрмә, озак тормыйбыз, кайтып җитәбез», – ди… Аралашканда бөтен сүзне позитивка бора, бер тамчы да шик кертми күңелгә…
Ничек соң Артур, дигән сорауга мин әлегә шулай гына җавап бирә алам. Борчылып торуыгыз, безнең белән булуыгыз өчен рәхмәт сезгә», – ди Иркә.
Фото: соцчелтәрләр