Татарстанның халык артисты Зәйнәб Фәрхетдинова инстаграмда әнисенең фотосын күрсәтеп, мондый сүзләр язган:

«Миңа үскән чакта, син әтиеңә охшагансын, дип әйтәләр иде. Ә мин гел әнигә охшарга тырыша идем! Бу минем әнием, әйтегез әле без бераз ошаганмы?

Бу юлы Сабантуйга кайткач, беләсеңме, Мәрҗәнә апа шундый матур җырлый иде, диеп искә алдылар.

Әлбәттә, мин белә идем аның җырлаганын, эшләгәндә гел җырлый иде. Миңа өйрәткән ике җыры һаман күңелемдә. Сезгә дә әнием җырын, бер җитешеп, җырлап алырмын әле, Алла бирсә» ди Зәйнәп Фәрхетдинова.