Салават Фәтхетдинов билгеле алып баручы Фәнил Вакказовка үзенең җырлары белән флешка бүләк иткән. Гадине түгел, ә алтынны… Бу хакта Фәнил инстаграм битендә үзе хәбәр итә.

“Бу – миңа бирелгән иң зур, кадерле һәм истәлекле бүләкләрнең берсе. Салават абый миңа үзенең алтын флешкасын бүләк итте. Анда алтынның пробасы да язылган. Бу флешкага 333 җыр яздырылган. Салават абый аларның барысын да үзе сайлап алган. ”Энекәш, сине бу флешкага лаек дип саныйм”, диде ул. Салават абый, бик зур рәхмәт сиңа якын, хөрмәт итүеңә!” – дип яза шоумен.