«Туган тел» тапшыруында интервью вакытында Резеда Әхмәтвәлиева үзенең Фирдүс Тямаевның тормыш иптәше икәнлеген яшерүе һәм моның белән файдаланмавы турында сөйләгән.
«Чиратта торганда Тямаевның хатыны булу ярдәм итәме? Мин — Фирдүс Тямаевның хатыны, үтеп китим әле дигән юкмы?» дигән сорауга ул:
«Минем алай дип әйткәнем юк. Поликлинага анализ бирергә барганда да, о, Тямаева, родственница что ли, диләр. Мин юк, фамилиядәшләр генә дим. Әйтмәскә тырышам, чөнки әйтсәң, күп сораулар белән аптырата башлыйлар — алаймы, болаймы дигән кебек. Күренмәскә тырышам, җәмгыятьтә үземне «соры тычкан» кебек тотам», — дип җавап бирә.