Илсөя Бәдретдинова инстаграмда кызыклы пост урнаштырган. Җырчының язмасын үзгәртмичә бирәбез:

«Була шундый кешеләр… Менә бер нәрсәдән дә кәнагать тугел. Менә гел зарлана. Аны гына аңламыйлар… Аның гына проблемалары… Менә ул гына эшли, калганнар аяк селкеп кукуруз саклап утыралар.Бо-бо-бо килеп тик йөри шунда… » Андый кешеләр белән аралашасы да, эшлисе дә килми.

Ә була кешеләр… Кәефе булмаса да гел елмайган… Шул елмаюы белән башкаларның да кәефен кутәреп җырлап , рәхәт итеп эшләп йөри ул. » Хоп хей ла ла лей» кешеләр…Зарланмый… Уфырмый… Дөньяны, кешеләрне, эшен ярата. Менә шундый кешеләр якын куңелгә!

Инстадагы комментлардан да нык сизелә ул. Кайбер кешеләрне укыйм да , кычкырып көлеп җибәрәм. «Ах… рәхәт кеше! Бу кеше белән аралашыр идем мин»,- дип уйлап куям. Кайберләрен укыйм да: » Фууууу… Бик авырдыр мондый кеше янында яшәргә»,- дип куям» — дип яза Илсөя.