Популяр җырчы, автор-башкаручы Ильмира Нәгыймова Чаллы һәм Казан шәһәрләрендә ике көнлек концертлар биргән. Бу чаралар зур аншлаг белән узган. Җырчы болай дип уртаклаша:
«Чаллы 2 көн аншлаг, Казан «Уникс» 2 көн аншлаг! Нишләп элек безнең концертларга шулай йөрмәдегез? Руслан белән булганда, без Чаллының бер көнендә дә зал тутыра алмый идек. Кеше күп күренсен дип, бушка билет өләшеп йөри идек. 10 ел шулай йөрдек, «Уникс» безнең хыялда гына иде…
Аллаһка шөкер! Шөкер-шөкер. Хәзер мин башка шул, энергиям үзгәргән ахры.
Тамашачылар соравы буенча, без тагын өченче өстәмә концерт куябыз . Мартта туган көнем һәм мин аны сез һәм дусларым белән үткәрәчәкмен», – дип яза җырчы.