Хәния Фәрхинең төпчек кызы Алсу Корбан гаетен бәйрәм иткән көнне тәүге тапкыр әни булды. Бу шатлыклы вакыйга белән ул үзе уртаклашты. Моңа кадәр «Матбугат.ру» Алсуның ире яңа туган кызын кулларына алуын, сабыйның буе 52 см, авырлыгы-2,975 кг. булуын язган иде.

Әти-әнисе сабыйларына Раина дип исем кушмакчы. Бу көннәрдә Алсу кызларының беренче фотолары белән уртаклашты.

«Әнием дә безне күзәткәндер һәм безнең белән булгандыр. Мин күз яшьләремне тыя алмадым…» — ди Алсу.