Җәй ул ял вакыты гына түгел, ә имтиханнар, курс һәм диплом эшләре тапшыру вакыты да. Тырышып укыган кайбер студентлар әҗерен дә ала. Шушы көннәрдә һәртөрле югары уку йортларын тәмамлаган егет-кызлар дипломлы булды. Шул исәптән, «Татар радиосы» ди-джее, «Татар җыры» фестиваленең алып баручысы Айваз Садыйров та.

«Бу чикләвекне дә төшенә кадәр ваттык!» — дип шатлана Айваз. Гадәттә, укуны «энә белән кое казу» диләр. Садыйров исә башка төрле мәкаль белә булса кирәк.

Хәзер сезнең алда ди-джей гына түгел, ә законлы, дипломлы журналист та. Хәзер Айвазның туры эфирдагы эшчәнлеге грамматикасы, этикасы һәм эклектикасы буенча ике чорга бүленер инде. Диплом алганчыга хәтле һәм диплом алгачтынга.